12‏/09‏/2013

چپسی په‌تاته‌ هۆکاره‌‌ بۆ قه‌ڵه‌وی و نه‌خۆشی شێر په‌نجه‌

بەپێ لێكۆڵینەوەیەكی ئەمەریكی دەركەوتوە كە جیبسی پەتاتە ڕۆڵێكی گەورەی هەیە لەزیادكردنی كێش بە ڕێژەیەكی زیاتر لەخواردنەوەی گازییەكان و شرینی و ئایس كریم . یەكێك لەتوێژەرەوەكانی نیۆرك قەڵەوی نێوان ئەمەریكیەكانی گەڕاندەوە بۆ جیبسی پەتاتە، دەڵێت كە جیبسی پەتاتە بەهۆی ئەوەی كەتامێكی باش و خۆشی هەیە لەكاتی خواردنیدا هەستێكی خۆشت پێدەبەخشێت وا دەكات زیادە ڕەوی بكرێت لەخواردنیدا تەنها بە بەشێكی كەم كۆتای پێنەهێنرێت، وتیشی هەموو بڕێك لەجیبس كە دەخورێت پێك هاتوە لە160 وزەی گەرمی ئەوەش لەكۆتاییدا دەبێتە هۆی زیادكردنی نزیكەی 1.69 كگم لەكێشی مرۆڤ ، لەكاتێكدا شیرینی تەنها 0.41 وزەی گەرمی تێدایە، ئەو كاریگەرییە بەرچاوەی نیە لەزیادكردنی كێش
وه‌ (چپسی‌ په‌تاته‌) له‌پێكهاته‌كه‌یدا ماده‌یه‌كی‌ تێدایه‌، كه‌ هۆكاره‌ بۆ تووشبوون به‌شێرپه‌نجه‌.

ڕۆژنامه‌ی‌ (ملادا فرۆنتا)ی‌ چیكی‌ ڕپۆرتێكی‌ بڵاوكردووه‌ته‌وه‌و تیایدا ئاماژه‌ به‌وه‌كراوه‌، كه‌ توێژه‌ره‌وان (18) هه‌ژده‌ كیسه‌ چپسی‌ جۆراوجۆریان له‌ناو بازاڕه‌كانی‌ ئه‌وروپادا كۆكردووه‌ته‌وه‌ پشكنینیان له‌سه‌ر ئه‌نجامداون، دواتر ده‌ركه‌وتووه‌ كه‌ له‌ناو چپسه‌كه‌دا ڕێژه‌یه‌كی‌ زۆر له‌ماده‌ی‌ (ئه‌لكریلامید) هه‌یه‌، كه‌ هۆكاره‌ بۆ تووشبوون به‌شێرپه‌نجه‌.

له‌لێكۆڵینه‌وه‌كه‌دا ئاشكراكراوه‌، ماده‌ی‌ (ئه‌لكریلامید) له‌ئه‌نجامی‌ سووركردنه‌وه‌ی‌ هه‌ر خوارده‌مه‌نییه‌كه‌وه‌ دێت كه‌ به‌پله‌یه‌كی‌ گه‌رمی‌ به‌رز ئاماده‌كرابێت، كه‌ به‌گوێره‌ی‌ لێكۆڵینه‌وه‌كه‌ له‌هه‌ر كیلۆیه‌كدا له‌چپسی‌ په‌تاته‌، (418) چوارسه‌دو هه‌ژده‌ میلیگرام له‌و ماده‌یه‌ هه‌یه‌.

لێكۆڵینه‌وه‌كه‌ ئامۆژگاری‌ ئه‌و كه‌سانه‌ ده‌كات كه‌ زۆریان حه‌ز به‌خواردنی‌ چپسی‌ په‌تاته‌یه‌و پێیان ده‌ڵێت: جۆرێك له‌چپس بخۆن كه‌ زۆر چه‌ور نه‌بێت‌و له‌هه‌فته‌یه‌كیشدا له‌یه‌ك كیس زیاتر نه‌خۆن، منداڵانی‌ سه‌رو ته‌مه‌ن (10) ده‌ساڵانیش پێویست ناكات له‌یه‌ك كیس زیاتر بخۆن له‌ماوه‌ی‌ دوو هه‌فته‌دا، ئه‌وانه‌شی‌ له‌خوار ئه‌و ته‌مه‌نه‌وه‌ن، به‌هیچ جۆرێك پێویست ناكات چپس بخۆن.

له‌هه‌مان ڕاپۆرتی‌ هاوشێوه‌دا كه‌ له‌وه‌زاره‌تی‌ ته‌ندروستی‌ میسرییه‌وه‌ بڵاوكراوه‌ته‌وه‌ جه‌خت له‌وه‌كراوه‌ته‌وه‌، كه‌ سووركردنه‌وه‌ی‌ ماده‌ خۆراكییه‌كان نا ته‌ندروسته‌‌و هه‌ڕه‌شه‌ له‌ته‌ندروستی‌ مرۆڤه‌كان ده‌كات، هه‌ربۆیه‌ داوا كراوه‌ كه‌ ماده‌ خۆراكییه‌ نوێ‌‌و تازه‌كان بكوڵێنرێن‌و نه‌خرێنه‌ به‌ر پله‌ی‌ گه‌رمی‌ یان سووتاندن یاخود سووركردنه‌وه‌.

إرسال تعليق

سوپاس بۆ كۆمێنتان ، شكر لتعلیق