24‏/08‏/2013

پێوەدانی هەنگ ( مێشەنگوین ) سودی بۆ تەندروستی مرۆڤ هەیە

به‌ گوێره‌ی توێژینه‌وه‌یه‌کی نوێی پزیشکی ئه‌وه‌یان ده‌رخستووه‌ که‌ پێوه‌دانی مێشی هه‌نگ به‌ مرۆڤ سودێکی زۆر ده‌گه‌ینێت به‌ ته‌ندروستی مرۆڤ به‌تایبه‌تی پێستی مرۆڤ و هه‌روه‌ها ئێش و ئازاره‌کانی له‌شی .
پزیشکه‌کان ئه‌وه‌یان روون کرده‌وه‌ که‌ ته‌نها هه‌نگوین سودی نیه‌ بۆ ته‌ندروستی مرۆڤ به‌لکو پێوه‌دانی هه‌نگیش سودێکی زۆری هه‌یه‌ جونکه‌ ده‌بێته‌ هۆی پارێزگاری کردن له‌له‌ش و هه‌روه‌ها یارمه‌تی ده‌ره‌ بۆ پاراستنی ماده‌ی "جولاجین " که‌ ماده‌یه‌کی سود به‌خشه‌ و ئه‌م ماده‌یه‌ کاراتر ده‌کات و رێگری ده‌کات له‌ زوو سه‌رهه‌ڵدانی نیشانه‌کانی پیری و هه‌روه‌ها چرچ و لۆچ بوونی پێست

جگه‌ له‌مه‌ش یارمه‌تی پێست ده‌دات و له‌ زیانی تیشکی خۆر ده‌یپارێزێت
جگه‌ له‌مه‌ش پزیشکه‌کانی چین ئه‌وه‌یان روون کردۆته‌وه‌ که‌ پێوه‌دانی هه‌نگ ده‌بێته‌ هۆی نه‌هێشتنی ئیش و ئازاری پشت و که‌م کردنه‌وه‌ی هه‌وکردنی جومگه‌کان و رێگرتن له‌ نه‌خۆشی رۆماتیزم
هه‌ر هه‌مان توێژینه‌وه‌ ئاماژه‌ی به‌وه‌دا که‌ هه‌نگ ده‌بێته‌ هۆی که‌م کردنه‌وه‌ی به‌کتریا له‌له‌ش و رێگرتن له‌ توش بوون به‌ نه‌خۆشی شه‌کره‌ و شێرپه‌نجه‌ و چه‌ندین نه‌خۆشی تر

إرسال تعليق

سوپاس بۆ كۆمێنتان ، شكر لتعلیق