16‏/03‏/2013

كافایین كێشی‌ منداڵی‌ ساوا كه‌م ده‌كات

خۆراك یه‌كێكه‌ له‌گرنگترین هۆكاره‌كان بۆ گه‌شه‌‌و ته‌ندرووستی‌ كۆرپه‌له‌ ، پاشانش ته‌ندرووستی‌‌و كێشی‌ دوای‌ له‌دایكبوون، ئه‌وه‌ی زانراوه‌ هه‌ندێك له‌و خواردنه‌ ته‌واوكاریانه‌ی‌ كه‌ ڤیتامینێكی‌ دیاریكراویان تێدا به‌نموونه‌ وه‌ك ڤیتامین (ب9) زۆرگرنگه‌ بۆ ئه‌وه‌ی‌ منداڵێكی‌ ته‌ندرووست له‌ دایك ببێت بێئه‌وه‌ی‌ هیچ كه‌موكوڕیه‌ك له‌ بڕبڕه‌ی‌ پشتیدا هه‌بێت.
به‌گوێره‌ی‌ هه‌واڵێك كه‌ له‌ڕۆژنامه‌ی‌ ئه‌لریازدا بڵاوكرایه‌وه‌، لێكۆڵینه‌وه‌ نوێیه‌كان ده‌ریانخستووه‌ مه‌رجنیه‌ هه‌موو خۆراكێك سوودمه‌ندبێت بۆ گه‌شه‌ی‌ كۆرپه‌له‌، به‌نموونه‌ كافایین په‌یوه‌ندیه‌كی‌ ڕاسته‌وخۆی‌ به‌كه‌می‌ كێشی‌ منداڵی‌ تازه‌له‌دایكبۆوه‌ هه‌یه‌ ، له‌هه‌مانكاتدا ئه‌و كافاینه‌ی‌ كه‌ له‌ قاوه‌دا هه‌یه‌ ماوه‌ی‌ دووگیانبوون زیادده‌كات.
بۆ ئه‌م مه‌به‌سته‌ زاناكان له‌ په‌یمانگای‌ نه‌رویج بۆ ته‌ندرووستی‌ گشتی‌ چاودێری‌ كاریگه‌ری‌ كافینیان كرد له‌سه‌ر دایكه‌ دووگیانه‌كان‌و منداڵه‌ تازه‌ له‌دایكبۆكان به‌هه‌موو جۆره‌كانیه‌وه‌ ئه‌وه‌ی‌ له‌ چاو قاوه‌و خواردنه‌وه‌ گازیه‌كان‌و هه‌روه‌ها ماده‌ی‌ كوَكا و ناو كاری‌ هه‌ویر‌و شیرینی‌‌و شۆكۆلاته‌دا هه‌یه‌.
ده‌ركه‌وت كافاین ده‌بێته‌ هۆی‌ كه‌می‌ كێشی‌ منداڵی‌ تازه‌ له‌دایكبوو له‌هه‌مانكاتدا كافاینی‌ ناو قاوه‌ به‌دیاریكراوی‌ ده‌بێته‌ هۆی‌ درێژبوونه‌وه‌ی‌ ماوه‌ی‌ دووگیانبوون.

إرسال تعليق

سوپاس بۆ كۆمێنتان ، شكر لتعلیق