ئه‌سپرین له‌گه‌ڵ ئۆمیگا-3 بۆ خۆپاراستن له‌ نه‌خۆشی‌ دڵ‌و شێرپه‌نجه‌

له‌ئاكامی‌ لێكۆڵینه‌وه‌یه‌كی‌ به‌ریتانیدا كه‌ له‌لایه‌ن نه‌خۆشخانه‌ی‌ (بریگهام)‌و قوتابخانه‌ی‌(هارڤارد) بۆ پزیشكی‌، ده‌ركه‌وت ڕۆنی‌ ماسی‌ له‌گه‌ڵ ئه‌سپرین باشترین چه‌كه‌ دژ به‌ نه‌خۆشیه‌ درێژخایه‌نه‌كانی‌ وه‌ك نه‌خۆشی‌ دڵ‌و شیرپه‌نجه‌و زه‌هایمه‌ر‌و هه‌وكردنی‌ جومگه‌كان.
وه‌ك له‌ هه‌واڵه‌كه‌ی‌ ڕۆژنامه‌ی‌ ئه‌لشه‌رقدا هاتووه‌، پێشتر ئه‌وه‌ زانرابوو كه‌ هه‌ریه‌كه‌ له‌ ئه‌سپرین‌و ئۆمیگا-3 كاریگه‌ری‌ ئه‌نتی‌ هه‌وكردنیان هه‌یه‌، به‌ڵام ده‌ركه‌وت ئه‌گه‌ر ئه‌م دوو ماده‌یه‌ به‌یه‌كه‌وه‌ بخورێت كاریگه‌ریه‌كی‌ به‌هێزیان هه‌یه‌ دژ به‌ دژه‌ كرداره‌ به‌هێزه‌كانی‌ سیسته‌می‌ به‌رگریی‌ جه‌سته‌ كه‌ په‌یوه‌سته‌ به‌كاریگه‌ری‌ خراپی‌ نه‌خۆشیه‌ درێژخایه‌نه‌كانه‌وه‌.
به‌وته‌ی‌ زاناكان به‌هۆی‌ بوونی‌ ماده‌ی‌ (D3)كه‌ له‌ ئه‌سپرین‌و ئۆمیگا- 3دا هه‌یه‌، ماوه‌یه‌كی‌ دوورودرێژ له‌ ناوچه‌ی‌ هه‌وكردنه‌كه‌دا ده‌مێنێته‌وه‌، ئه‌مه‌ش سیفه‌تێكی‌ زۆر تایبه‌تمه‌ند ده‌به‌خشێت به‌م دووماده‌یه‌ له‌ قه‌ڵاچۆكردنی‌ هه‌وكردنه‌ قورسه‌كان.

و: سۆران عوسمان 

سه‌رچاوه‌ http://www.serdem.net