شۆِرشی پیشه‌سازی خاڵی وه‌رچه‌خانی گۆڕانكاریه ژینگه‌ییه‌كانی جیهان و كۆمه‌ڵێك ده‌ركه‌وته‌ی خراپ بوو ، كه له‌ئێستادا ئاڕاسته‌ی مه‌ترسیداریان وه‌رگرتووه‌و گه‌ربێت و وڵاتانی جیهان به‌تایبه‌ت وڵاته پیشه‌سازیه‌كان ، به‌شێوه‌یه‌كی زانستی ڕووبه‌ڕوی كاریگه‌ریه نه‌رێنیه‌كانی نه‌بنه‌وه ئه‌وا دوور نیه ڕه‌نگاڵه‌یی ژیان به‌ته‌واوی بشێوێنێت ، به‌تایبه‌ت په‌یوه‌ست به له‌ناوچوونی گیانداران و ڕووك و به‌رزبوونه‌وه‌ی پله‌ی گه‌رمی گۆی زه‌وی و كاره‌ساته سروشتیه‌كان.
به‌پێی توێژینه‌وه‌یه‌كی زانستی نوێ ده‌ركه‌وتووه نزیكه‌ی له‌سه‌دا 19 ی گیانداره خشۆكه‌كان له‌به‌رده‌م مه‌ترسی له‌ناوچوندان ، چونكه چالاكیه پیشه‌سازیه‌كان و په‌ره‌سه‌ندنی شارستانی مرۆڤ كاریگه‌ری به‌رچاویان له‌سه‌ر ژینگه‌و ژیانی خشۆكه‌كان جێهێشتووه.
ئه‌و توێژّینه‌وه‌یه له دواهه‌مین ژماره‌ی گۆڤاری (جیهانی زینده‌وه‌راندا) بڵاوكراوه‌ته‌وه‌و ئاماژه به‌وه ده‌دات ، له‌ئێستادا له پێنج گیانداری خشۆك یه‌كێكیان له‌به‌رده‌م مه‌ترسی له‌ناوچوندایه ، ئه‌وه‌ش ده‌گه‌ڕێنێته‌وه بۆ كاریگه‌ری چالاكیه پیشه‌سازیه‌كان و پاشماوه مه‌ترسیداره‌كانی كه خۆی له‌چه‌ندین مادده‌ی كیمیایی زیانبه‌خشدا ده‌بینێته‌وه و كاریگه‌ری ڕاسته‌وخۆ له‌سه‌ر ژینگه‌ی خشۆكه‌كان جێده‌هێڵێت وخاك و ئاویان ڕووبه‌ڕوی پیسبوون ده‌كاته‌وه.
توێژینه‌وه‌كه به یه‌كه‌مین هه‌ڵسه‌نگاندنی جیهانی جۆره جیاوازه‌كانی خشۆك داده‌نرێت كه گیانداره‌كانی تیمساح و مارو كیسه‌ڵ و مارمێلكه له‌خۆده‌گرێت ، جه‌خت ده‌كاته‌وه له‌سه‌دا 19 یان له‌پێناو مانه‌وه‌دا به‌سه‌ختی ڕووبه‌ڕوی پیسبوونی ژینگه‌كه‌یان ده‌بنه‌وه.
هاوكات (كۆمه‌ڵه‌ی زانستی ئاژه‌ڵان)ی به‌ریتانیا و (یه‌كێتی نێوده‌وڵه‌تی پاراستنی سروشت) ئاماژه به‌وه ده‌ده‌ن كه گه‌وره‌ترین مه‌ترسیه‌كانی به‌رده‌م گیانداره خشۆكه‌كان له ده‌ستكردی مرۆڤه ، وه‌ك بڕینه‌وه‌ی دره‌خت و كه‌مكردنه‌وه‌ی ڕێژه‌ی سه‌وزایی دارستانه‌كان و پاشماوه‌ی كارگه پیشه‌سازیه‌كان و چه‌ندین هۆكاری تر ، ئه‌وه‌ش وایكردووه خشۆكه‌كان ژینگه‌ی گونجاوی خۆیان له‌ده‌ست بده‌ن و به‌سه‌ختی ڕووبه‌ڕوی گۆڕانكاریه‌كان ببنه‌وه.
و.هه‌لمه‌ت علی
سه‌رچاوه / http://www.serdem.net
إرسال تعليق
سوپاس بۆ كۆمێنتان ، شكر لتعلیق