.png)
توێژینه‌وه‌كه ئه‌وه‌شی ئاشكراكردووه خواردنه‌وه‌ی شه‌ربه‌تی شوتیی به‌ر له‌ده‌ستكردن‌و به ڕاهێنانی وه‌رزشیی ده‌بێته هۆی كه‌مكردنه‌وه‌و دابه‌زاندنی لێدانه‌كانی دڵ لای وه‌رزشوانان‌و ئازاری ماسولكه‌كانیش كه‌مده‌كاته‌وه.
پێشتریش چه‌ند توێژینه‌وه‌یه‌كی جیاواز ئاماژه‌یان به‌وه‌دابوو شووتی ته‌ندروستی دڵ به‌هێز ده‌كات، توێژینه‌وه‌یه‌كی تریش ئه‌وه‌ی ئاشكراكرد خواردنی شوووتی لای ئه‌و ژنانه‌ی كه گه‌یشتوونه‌ته ته‌مه‌نی نائومێدیی بۆته هۆی باشبووونی باری ته‌ندروستی دڵیان.
یه‌كێك له‌سووده‌كانی تری شووتیی ئه‌وه‌یه كه به‌رگریی له‌توشبوون به‌نه‌خۆشیی شێرپه‌نجه ده‌كات، هۆكاره‌كه‌شی گه‌ڕێنراوه‌ته‌وه بۆ بوونی ماده‌ی لایكۆبین ی دژه ئۆكسید كه به‌رگریی له‌توشبوون به‌نه‌خۆشیی شێرپه‌نجه‌ی پرۆستات ده‌كات.
ئه‌وه‌ی كه نوێ نییه ئه‌وه‌یه كه شووتی چالاكیی سێكسی به‌هێز ده‌كات، به‌هۆی بوونی ماده‌ی سیترۆلاین، كه ئارامی به جه‌سته ده‌به‌خشێت‌و كاركردنی سوڕی خوێن چالاكده‌كات، به‌لاَم به‌وته‌ی زانایان، هه‌ركه‌سێك ده‌یه‌وێت بگات به‌و سووده‌ی شووتیی ده‌بێت بڕێكی زۆری لێ بخوات.
شووتیی ده‌وڵه‌مه‌نده به ڤیتامینه جیاوازه‌كان‌و خوێیه كانزاییه‌كان‌و هیچ جۆره چه‌ورییه‌كیشی تێدا نییه، ئه‌وه‌ش باشترین ڕێگه‌یه بۆكه‌مكردنه‌وه‌ی كێشی له‌ش لای ئه‌و كه‌سانه‌ی كه سیستمێكی دیاریكراو بۆ دابه‌زاندنی كێشی له‌شیان په‌یڕه‌و ده‌كه‌ن.
.png)
إرسال تعليق
سوپاس بۆ كۆمێنتان ، شكر لتعلیق