كیوی‌ پێست ئه‌سمه‌ر ده‌كات

له‌ئه‌نجامی‌ لێكۆڵینه‌وه‌یه‌كی‌ پزیشكی‌ نوێدا ده‌ركه‌وت كیوی‌، جگه‌ له‌وه‌ی‌ زۆر ده‌وڵه‌مه‌نده‌ به‌ ڤیتامین سی‌‌و خوێی‌ فسفۆر‌و پۆتاسیۆم‌و ئاسن، كه‌ زۆرگرنگن بۆ جه‌سته‌، له‌هه‌مانكاتدا ده‌بێته‌ هۆی‌ ئه‌سمه‌ركردنی‌ پێستیش.
به‌گوێره‌ی‌ هه‌واڵێكی‌ ڕۆژامه‌ی‌ ئه‌لوه‌فد، ڕۆژانه‌ خواردنی‌ سێ‌ كیوی‌، یارمه‌تیده‌رێكی‌ زۆر باشه‌ بۆ به‌ڕه‌ونه‌قكردن‌و ئه‌سمه‌ربوونی‌ پێست به‌ شێوه‌یه‌كی‌ سروشتی‌.
له‌م باره‌یه‌وه‌ زاناكانی‌ زانكۆی‌(سانت ئاندروز)، ده‌ڵێن"ڕۆژانه‌ خواردنی‌ 3.3 یه‌كه‌ له‌و پرۆتینانه‌ی‌ كه‌ له‌ میوه‌و سه‌وزه‌ی‌ وه‌ك قه‌ڕنابیت‌و گوێزه‌ر‌و كیویدا هه‌یه‌، دوای‌ چه‌ند هه‌فته‌یه‌كی‌ كه‌م وا له‌ پێستده‌كات كه‌ ته‌ندرووستربێت‌و به‌ڕه‌ونه‌قترو ئه‌سمه‌رتریش ده‌ركه‌وێت".بۆ ئه‌م مه‌به‌سته‌ زاناكان وێنه‌ی‌ چه‌ند ژن‌و پیاوێكیان پێش لێكۆڵینه‌وه‌و دوای‌ لێكۆڵینه‌وه‌كه‌ گرت و هه‌ستان به‌شیكردنه‌وه‌ی‌ ڕه‌نگی‌ پێستیان ، پاشان بۆیانده‌ركه‌وت كه‌ خواردنی‌ زیاتری‌ میوه‌و سه‌وزه‌ به‌شێویه‌كی‌ سروشتی‌ ده‌بێته‌ هۆی‌ تۆخبونه‌وه‌ی‌ زیاتری‌ ڕه‌نگی‌ سوور‌و زه‌رد له‌ پێستدا ، له‌ هه‌مانكاتدا بۆیانده‌ركه‌وت خواردنی‌ 9.2 یه‌كه‌ له‌ میوه‌ و سه‌وزه‌ بۆ ماوه‌ی‌ شه‌ش هه‌فته‌ ده‌بێته‌ هۆی‌ ئه‌وه‌ی‌ پێست زۆر ته‌ندرووست ‌و به‌ڕه‌ونه‌قتر ده‌ركه‌وێت ، له‌ هه‌مانكاتدا خواردنی‌ 3.3 یه‌كه‌ مرۆڤ زۆر سه‌رنجڕاكێشتر ده‌كات.

و: خالد عومه‌ر

  سه‌رچاوه‌ / http://www.serdem.net