لەپاش خواردنی بیبەری تیژ، ئاو مەخۆرەوە

بیبەری تیژ مادەیەكی كیمیایی تێدایە بەناوی كابستین، كە لەگەڵ ئاو كارلێك ناكات. بۆیە هەركاتێك بیبەری تیژت خواردو گەرم بوو، ئەوا یەك لەمانە بخۆ، شیر، ماست، ئایس كرێم، بۆئەوەی تیژیەكە نەمێنێت. بەتایبەت شیر كە مادەی كازایینی تێدایە، كە هەڵدەستێت بەشكاندنی كابستین و وادەكات تیژیەكە نەمێنێت، یان كەم بێتەوە

شەکر، کوشندەترین ژەهری سەردەم

پسپۆڕێکی تەندروستی هۆڵەندا ڕایدەگەێنێت، شەکر وەک ژەهرێکی کوشندە وایە و پێویستە مامەڵەکردن پێیەوە ڕێک بخرێت و هاوشێوەی خواردنەوە کحولییەکان و جگەرە باجی لەسەر دابنرێت.


پێگەی دەیلی مەیڵ بڵاویکردەوە: پاوڵ ڤان دێر ڤێلپن سەرۆکی دەزگای تەندروستی ئەمستەردام-ی پایتەخی هۆڵەندا پێیوایه‌ شەکر "ترسناکترین ژەهری سەردەمە" و دەڵێت: "شەکر ژەهرێکی هاوشێوەی كحول و جگەرەیە و پێویستە بەکارهێنانی سنووردار بکرێت."

پێش خواردنی، قارچک بخەرە بەر هەتاو

به‌گوێره‌ی‌ توێژینەوەیەکی نوێ، گەر قارچک بەر لە خواردنی بخرێتە بەر تیشکی خۆر ئەوا دەتوانرێت ڕێژەیەکی زۆر لە ڤیتامنین D لێوە بەدەست بهێنرێت.

هاوشێوەی پێستی مرۆڤ، قارچک سود لە تیشکی سەرو وەنەوشەیی خۆر وەردەگرێت و دەیگۆڕێت بۆڤیتامن، هەروەها قارچک لەم کردارە بەردەوام دەبێت تەنانەت پاش لێکردنەوە و درەوکردنی.

ته‌ماته‌ پێستى ڕۆخسار بریقه‌دار ده‌كات

ته‌ماته‌ گرنگیه‌كى زۆرى هه‌یه‌ له‌سه‌ر جوانكردنى پێستى ده‌م و چاو به‌تایبه‌ت ئاوى ته‌ماته‌ ، وه‌ دانانى ئاوى ته‌ماته‌ له‌سه‌ر پێستى ده‌م و چاو ده‌بێته‌ هۆى بریقه‌داركردنى پێست .

به‌پێی وته‌ى توێژه‌ران " ئه‌گه‌ر ته‌ماته‌ له‌گه‌ل نیو توێكلى لیمۆ تێكه‌ل بكرێت ، ئینجا له‌ پێستى ڕوخسار بدرێت ، ئه‌وا باشترین سوودى ده‌بێت .

هه‌روه‌ها كاتێك ته‌ماته‌ بۆ ماوه‌ى چاره‌كه‌ سه‌عاتێك له‌سه‌ر ڕۆخسار دابنرێت ، پاش به‌ ئاوێكى شیرتێن بشۆرێت ، ئه‌وا ده‌بێته‌ هۆى جوانكردن و بریقه‌داركردنى ڕۆخسار .

گرنگییه‌كانی‌ گوێز

له‌سه‌رده‌می ئیغریقییه‌كانه‌وه‌ گوێز ره‌مزی زیره‌كی بووه‌، بۆیه‌ به‌ڕێكه‌وت نییه‌ كه‌ له‌ مێشكێكی بچوك ده‌چێت، به‌ڵكو گوێز زۆر سودمه‌نده‌ بۆ خانه‌كانی مێشێك ‌و له‌گه‌ڵیشدا له‌ش ساغی، ئه‌مه‌ش هه‌ر له‌خۆڕا نه‌هاتووه‌.

دواترین لێكۆڵینه‌وه‌ی زانكۆی به‌رشلۆنه‌ له‌سه‌ر گوێز ده‌ریخست كه‌ رۆژانه‌ خواردنی‌ بڕی حه‌وت گوێز رێژه‌ی چه‌وری له‌خوێندا كه‌مده‌كاته‌وه‌ و په‌ستانی خوێن نزم ده‌كاته‌وه‌ ‌و رێژه‌ی شه‌كریش له‌خوێندا ڕاده‌گرێت.